((وليد رغم الشيب)) بقلمي نور الدين محمد (نبيل) ٢٦/١٠/٢٠٢٣

 ((وليد رغم الشيب))

كنت فاكر يوم لقانا

يوم فرح وختامه عيد

كنت فاكر هحضن الشوق بين ٱيديا

وشرار لقانا نار تقيد

يابنت قلبي ساكنة قلبي

وبتسري فيا زي دمي فى الوريد

روحي تايه لكن ياروحي

تنتشيني بلمس إيد

أتاري واشي زرع بأرضك

زرع للأشواق نقيض

وجعت قلبي ليه ياقلبي

جرح كل يوم بيزيد

رجعت خالي م المشاعر

م الشعور نفذ الرصيد

ولمت نفسي ولمت قلبي

ليه بيحاولوا من جديد

ليه بيحاولوا فى قلب ميت

قلب صدا كالحديد

ليه اللي شاخ فى العمر حاسس

إنه لسى مازال وليد

عمر الهوا ما كان إرادة

الحب يفعل ما يريد

لحظة لقانا ساعتها بس

حسيت بأني عايش وحيد

ووجع المشاعر لكل شاعر

ممكن تحسه فى بيت قصيد

ومش غريب لو قالولك

إني شاعر ومن كتر حبه مات شهيد

أنا لما شوفتك رغم شيبي

حسيت بعمري ما زال وليد

وعشان وفائي يدوم لحبك

لو لغيري العمر كله يكون سعيد

رغم عزي ورغم جاهي

عشان أنولك

صاحبت فى قصري الخدم

وكل الجواري والعبيد

ملعون ابو الحب اللي

يعمل

من الرعاه فى القصر سيد

هيا كلمه بين سطوري

كتبتها

مدسوسة في حروف القصيد

أقرأيها هتعرفي

الفرق بينا ما زال بعيد

بقلمي نور الدين محمد

(نبيل)

٢٦/١٠/٢٠٢٣

عرض الرؤى

معدل وصول المنشور: ٢٩

كل التفاعلات:

٢ارق ملاك وشخص آخر