قول يا صغير «««««»»»»

 قول يا صغير

«««««»»»»

مالك ليه بتبكي ليه الحزن

ماليك واليتم باين في

عينيك وشبت بدري أمسح

دموعك وسمع الكل صوتك

عاوز إيه يا صغير إيه إللى

فيك قول ما تخفش

عاوز دارى الحزين كانت

جوا وطني الذليل كنا

بنحلم يكون حر وأرضه

الطيبة تساعي الكل

عاوز أصرخ بأعلى صوت

إيه ذنب شعب يموت

والكل عارف و بعينه

شايف وراضي بالسكوت

عاوز أمي ترجع لي

تاخذني في حضنها

وتنفض هدومي وتطبطب

عليا وتسمح دموعي

وأحس بالأمان وتغسل لي

ويش

عاوز عطف أبويا الغلبان

إللى كسره الزمان

عاوز أخويا وأختي عاوز

عائلتي وأهلي عاوز لمة

أولاد شارعي راحوا في

غمضة عين و سابوني

لوحدي

عاوز شعوب دمها حر

كفاية عار وذل أخذنا إيه

من السكوت ساقنا المر

عاوز أعيش مبقاش

خايف ويجي بكرا أكون

عايش كفاية بقي

يا ناس مصمصة شفايف

عاوز العمر بيا قوام

يجري و ألاقي نفسي

كبرت و أشيل سلاحي

فوق كتفي وأجيب حق

عائلتي وأحقق وصية

أبويا ولو آخر يوم في

عمري كلامه هيفضل

في قلبي ربك ثم ربك

و وطنك يبقي حر

وتجيب حق الكل وتكون

بطولة والعالم كله بيها

يحكي والناس بيك

تفتكرني كمل يا أبني ليه

سكت قول ما تخفش

وجعت قلبي والله يا عمي

كل إللى وجعني وكاسر

نفسي ليه أخواني العرب

هاين عليهم دمي وخايف

يجي عليهم الدور

و يشربوا الذل و يجربوا

إللى حصل لي دول ناس

متعرفش رحمة والا لهم

عهد والا دين دول مش

بني آدمين ودم العرب

عندهم رخيص بس

وحياة من خلقني حر

وكتب عليا أدوق الذل

بكرة يكبر الصغير

وأجيب حق الكل

وعلي شان الوطن يرجع

و يبقي حر

وعلمه يرفرف فوق روس

الكل لازم قلب الصغير

ينكوي بالنار

ويدق الذل ويشرب المر

بقلمي/ هشام محفوظ

عرض الرؤى

معدل وصول المنشور: ٨

كل التفاعلات:

١ارق ملاك