قولي ياللي انت اذكى اخواتك
بين نفسك فين كراماتك
يا كبير عيلتك فين بصماتك
قولي ايه افضل خصالك
***
عايش دائما في الأحلام
كل كلامك ماشي تمام
فاكر نفسك ابو الأفهام
***
قولي فين عمل الخير
عمرك مامسكت ايد ضرير
سرك دافنه في بطن البير
حب المال في القلب أسير
***
حب الذات مش من الايمان
حب الناس فين يا انسان
فكر في ثقل الميزان
اروي الناس ود و حنان
***
اتعامل بكل وضوح
صادق في القول و في البوح
كلمة طيبة تشفي جروح
اسمك في عمل الخير مطروح
***
الكبر بيقتل صاحبه
يبعد كل الناس عنه
حتى اللي كان بيحبه
يكره كل الناس سيرته
(((أسامه جديانه)))
ليست هناك تعليقات:
إرسال تعليق