أغنية (لو خيرونى)
أدهم عبده مجلى
(أدهم العوضى)
★★★★★
لو خيرونى بينى وبينه هاختاره هوه
لو خيرونى أنا هانسى اسمى
والاقى فيه شكلى ورسمى
ده فى بعدى عنه باحس انه
عايش فى روحى وفى قلبى هوه
★*★*★*★
ما انت اللى قلبى
زعلان عشانك
وزاد فى نارى
ما اعرفش أخبى
شوقى لحنانك
ولا إدارى
ما اعرفش قلبى ده ولا قلبك
مخلوق عشانى ولا لحبك
بيدق بس اما يبقا جنبك
ليه بس تبعد طال انتظارى
هاعيش حياتى وابقا معاك
ولا ثانيه واحده تبعد ايديك
يتعد عمرى بوقت لقاك
تشتاق لعينى واشتاق لعينيك
★*★*★*★
بكلمتين اتقالوا منك شدونى ليك
خدنى الحنين وغصب عنك حلمت بيك
اتاريك حلمت الحلم معايا
ولقيت هواك نسم لهوايا
بكره اللى جاى راح تبقا معايا
يا حب عمرى الله يخليك
واعيش حياتى وابقا معاك
ولا ثانيه واحده تبعد ايديك
يتعد عمرى بوقت لقاك
تشتاق لعينى واشتاق لعينيك
لو خيرونى أنا هانسى اسمى
والاقى فيه شكلى ورسمى
وفى بعدى عنه باحس انه
عايش فى روحى وفى قلبى هوه
لو خيرونى بينى وبينه هاختاره هوه
واقفل عيونى وأشوف بعينه ده فى قلبى جوه
★★★★★
الشاعر الغنائى
أدهم عبده مجلى
(أدهم العوضى)
ليست هناك تعليقات:
إرسال تعليق