طل عليا لغرام!

 طل عليا لغرام!

( زجل مغربي)

طل عليا لغرام من فوق البير

بحال شي الطير من فوق لغصان

عيني شافت الشمس الضاوية

تبوريشة شداتني فالحين

دوخا ما كانت ليا فالحسبان

لغرام هذا دفنتو من زمان

وآش من غرام هذا ؟!

لي كيناديني اليوم؟!

غرقت فمياه باردة ولطيفة

البير هذا يورد الناس ولبهيمة

وكل من دلى دلوه وعطشان

أنا ما محتاج دلو نسݣي بيه

ولا طالب من شي حد لعوين

كنعاود حكاتي مع لغرام

كنقاسي أيامي الباقية عل الدوام

واش لغرام هذا ديما غذار

ولا غير معايا يا مجمع لعيان

-بقلم: محمد دومو

-مراكش/ المغرب ( 09 شتنبر 2023 )

عرض الرؤى

معدل وصول المنشور: ١٧

كل التفاعلات:

٣ارق ملاك وشخصان آخران