صلوا .......... ع الحبيب
******************
يالى مبتصلش ع الرسول
هتفضل م الدنيا مقهور
بين ضلوعك خزينة هموم
الحوائج بتتقضى علطول
لو لسانك بالصلاة عليه يدوم
تلاقى الرضا بقلب موفور
الرزق ينزل عليك سيول
لشفاعته ف الآخرة تنول
الصلاة ع الرسول مش كلام
لأ دا كمان بالأفعال
تملى لسننه بأمتثال
تروح شمال تروح يمين
دا مرسل رحمة للعالمين
أحمد ربك أنك م الملسمين
أمة محمد سيد المرسلين
بص كدا الوقت لحالنا
بنحفل بمولوده بأكل الحلوى
المساجد م المسلم كلها شكوى
بكل صلاة تلاقيها فاضية
المسلم بالدنيا مفتون
همه بس ملو البطون
حياته كله فحشو فجور
بيعلى ويبنى ف القصور
نسى نهايته سكن القبور
غلفت عن الحق القلوب والعيون
غاب بوجودنا راحة البال
أغتلنا بأفعالنا الأطمئنان
محدش بيلبى ندا الآذان
حصادنا كله كله خسران
معدش يوجودنا أمان
المسلم بالأسلام شهد وخان
وصفه بين الأمم جبان
هل لعودته وقوته آوان؟
المسلم مسلم باللسان
م الآخر صلوا ع الحبيب
وجودنا كله يطيب
********************
بقلم
عادل جاد
ليست هناك تعليقات:
إرسال تعليق