اغنية شعورنا لما يتحول
أدهم عبده مجلى
أدهم العوضى
★★★★★
وليه هنعيده من تانى وافكر فيك وتنسانى
مسيرك تبكى ع اللى فات
وتملى الكون دموع وآهات
وترجعلى تقولى يا ريت
تعالى نعيده م الاول
شعورنا لما يتحول ده ما بيرجعش
وجرح الحب لو طول ده ما بيوجعش
ما كنت معاك من الاول وما بتسمعش
عايزنا نعيده من تانى ده ما هينفعش
★*★*★*★
للأسف مبقاش حبيبى
اللى ساب لى فى قلبى نارى
لازم اسقيه نار لهيبى
مش غلط اخد بتارى
واوعوا تبكوا فى يوم عليه
لو بكى بدموع عينيه
ده الألم راح اسيبه ليه
والفراق هو اختيارى
متقولوش لأ وحرام
والله مش عارفه انام
م اللى شفته لما كنا
راح لغيرى وباع اوام
★*★*★*★
متقولوش أنا كنت صابره
والمشاعر كات عشانه
والله ليكون هو عبره
للى جرحوا واللى خانوا
راح نخلص تارنا منكوا
حقنا هناخدوا عشانكوا
لما قال ع اللى ما بينكوا
راح ومش عايزين حنانه
ومتقولوش لأ وحرام
والله مش عارفه انام
م اللى شفته لما كنا
راح لغيرى وباع اوام
شعورنا لما يتحول ده ما بيرجعش
وجرح الحب لو طول ده ما بيوجعش
ما كنت معاك من الاول وما بتسمعش
عايزنا نعيده من تانى ده ما هينفعش
★*★*★*★
الشاعر الغنائى
أدهم عبده مجلى
(أدهم العوضى)
ليست هناك تعليقات:
إرسال تعليق