دموع غاليه
سبتيني وروحتي ماشية
وأنتي متأكدة وعارفة
إنتي فاكرة ولا ناسية
إن أول لحظة تغيبي عني
إنك ناوية تضيعي مني
قولي ليه بتداري عني
البسمة ف احلامك تشكي
واللي قاهرني ومجنني
طيفك يجيلي يشكي
واقعد البال شاغلني
والدموع ف عينيكي تحكي
الدموع دي عندي غاليه
عايز بدالها إبتسامه
عايز اقابلك ياغاليه
وانتي جاية بالسلامة
اوعي تشكي لحد تاني
مهما حاول مهما قالك
الدموع دي ملك قلبي
اشتراهم يوم ماحبك
إبعتيهم في رسايلي
خزنيهم جوه قلبك
أحس بيكي من كلامك
وعيوني بتبوس خيالك
إنتي فاهماني ف غرامك
افديكي وروحي اديهالك
ليست هناك تعليقات:
إرسال تعليق