قصيده بعنوان..نهاية الحكايه

 قصيده بعنوان..نهاية الحكايه

بقلم / نصر سيد بدر القاهره

بكره تبقي لك حكايه

كان منايا تكون معايا

حلوه. .يمكن حاتعيشيها

ولا مره. .بلون اسايا؟ ؟

نفسي اعرف ايه حكايتك؟ ؟

يمكن اعرف ابتديها. .

الحكايه اللي احنا فيها

اللي مش عايزه تعيشيها

واللي ناويه تضيعيها. .

قلبي مش ندمان عليها

بكره يوم ما تحني ليها

قلبي حايقول لك. .كفايه

بكره يبقي جمال عيونك

تحت نضارة قرايه

بكره يبقي تاج جمالك

شعر ابيض. .في المرايه

بكره يبقي حبي ليكي

صفحه منسيه في روايه

.... .....

كنت شاب وبكره جاني

شعرى شاب..ضيع زماني

بكره برضه راح يجيلك

يجي جيل راح ينسي جيلك

بس لو يكمل جميلك. .

تنسي قلبي اللي داعي لك

ده الزمان مابقاش زمانك. .

والمكان مابقاش مكانك. .

مش راح اتعذب عشانك. .

بس كان نفسي ان قلبي

يبقي جنبك. .للنهايه

بس بعد عذابي جنبك. .

يبقي نسيانك كفايه

وهي دى نهاية الحكايه.

.... ......

شعر / نصر سيد بدر القاهره

عرض الرؤى

معدل وصول المنشور: ٦٨

كل التفاعلات:

٦اياداسماعيل الزواوي، وارق ملاك و٤ أشخاص آخرين