اصبر

 اصبر

مش كل عين بتبص

شايفاك ياورد جميل

او تدرى بيك وتحس

ببهاك يا عطر النيل

عين النقيص بالحسد

بتعادي كل اصيل

بيساوي فيها العمي

بين الضياء والليل

مايطبشي ليهاالفرح

ولاتشجها المواويل

تعوف قطاف العنب

وبترعي شوك ونجيل

بص لعيون الشمس

فوق الوجود قناديل

فارده سبايك دهب

تبر وضياه بيسيل

والطير بيغنى طرب

فوق النخيل بيميل

يسبح فى بحر الفضا

وينشد التراتيل

صور الجمال حسنها

الفطره ليها تميل

لكن اللى صايبه المرض

والغل طافحه الكيل

محال يشوف الحسن

او يعلى ضهر الخيل

ما يشوفشى غير الردي

حتى ان نهاه جبريل

احمد محمود عوض سعيد

الرحامنة / فارسكور / دمياط

عرض الرؤى

معدل وصول المنشور: ٨

كل التفاعلات:

١ارق ملاك