==== موال الصبر ==== بقلمي صلاح شعبان الفيداوي القاهرة ٢٢/٩/٢٠٢٣

 ==== موال الصبر ====

جمَّعت مواويل

الصبر ف موالي

وصبرت لحد الصبر

ما جه و شكالي

وقلت ياليل

عليا طويل طويل

وجرحي بينزف

والألم طوالي

لكني صابر

والصبر جميل

من خوفي

على لوم عزالي

يا دنيا فيكي

الأصيل متهان

عايش غريب

ودنيته توهان

لا عارف يعيش دنيتك

ولا لاقي فيكي أمان

راضي بغربته

وسط الصخب والناس

لا ليه صدر حنون ....

يديله دفا واحساس

وقلبه من الهوى خالي

بقلمي صلاح شعبان الفيداوي

القاهرة

٢٢/٩/٢٠٢٣

عرض الرؤى

معدل وصول المنشور: ٧

كل التفاعلات:

١ارق ملاك