///////+++اش اجرى +++//////
اش اجرى وطرا ياسيادي
ارض مشات وجات ماعادي
وانا في عالم ف ا رقادي
وعلى بغثة هذا زلزال
خلات ديور لولاد والمال
هارب مخلي كلشي لله
ناسي لعزيز لقريب انساه
وا حثى الخطوة امتلفاه
ويقول ما عندي غير راسي
فين الجاه وافين لكراسي
حثى سفينة تلفت لمراسي
ربي ربي وا شوف فينا
احنا عبادك وا كون بينا
ماعدنا غيرك يعطف علينا
انسيناك انسينا ك يالعالي
وحنا ضعاف ياسامع قوالي
لاتزيد علينا حر هوالي
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق