بتحرم فرح الدنيا عليك
وبتدي الفرحه بملو ايديك
وتوزع ع الكل الشربات
والكل بيضحك من حواليك
وبيدلق دمعه ف جفن عنيك
وبتوصف للفرحه العنوان
وتسابق نفسك ع الأحزان
والكل بيتغافل ألمك
وانت بتتساهل في جروحك
والكل بيصعب دمعه عليك
ولا عمر دموعك بتهمك
بتقرب كل الناس حواليك
وبتملا عروقهم من دمك
طب خلي شويه لافراحك
يمكن تحتاج الضحكه هناك
او عالج ألمك وجراحك
هتلاقي الفرح بيستناك
او خلى من الفرح منابك
طب تعمل ايه
لو ولا شبابك او سابك
او قفلت لمعه ف وسط عنيك
هترجع قطر العمر إزاي
وإزاي هتكمل مشوارك
دا لنفسك حق وفرض عليك
ولروحك حق ف أفكارك
متسيب الكل ف مواله
واعزف على روحك موالك
شوف نفسك حبه وفرحها
واحجزلك فرحه وحوش ليك
من حلو الدنيا ف ايامك
وابنيلك جنه وهات حواليك
كل اللي قسمها وجه ادالك
ليست هناك تعليقات:
إرسال تعليق