أغنية للتوثيق بقلمي صلاح شعبان الفيداوي
القاهرة بتاريخ ١١/٩/٢٠٢٣
===== لقيتك ياما قدامي =====
لقيتك ياما قدامي
مبتسمة وديما بصالي
وإديكي بحنان حضناني
لقيتك ياما قدامي
***************
منين ما أروح شايله همي
أصل حنانك رباني
لو غبت عنك لثواني
لقيتك ياما قدامي
****************
ربيتي ياما وسهرتي
تعبتي ياما وكبرتي
من غيرك ياما يرعاني
لقيتك ياما قدامي
*******************
هأشيلك ياما في عينيه
وأرد دين ليكي عليا
وجميلك يرجعلك تاني
لقيتك ياما قدامي
********************
فداكي ياما كل ما ليا
انتي روحي وضي عينيه
عليكي ربنا وصاني
لقيتك ياما قدامي
*********************
الجنة تحت أقدامك
أعيش عمري خدامك
وحياتي كلها قدامك
ما إنتي فرحة أيامي
لقيتك ياما قدامي
*********************
ياما قولتي قوم صلي
زرعت فيا حب الخير
خوفك عليا دا وصلي
حبك ليا أكتر بكتير
لطريق النور وخداني
لقيتك ياما قدامي
**********************
تحياتي
صلاح شعبان الفيداوي
القاهرة
١١/٩/٢٠٢٣
ليست هناك تعليقات:
إرسال تعليق