إلا الخيانه
««««»»»»
لو سامحتك يبقي بضحك علي
روحي لو سامحت يبقي بقول
لراحة البال روحى
وفي حاجات كتير مايعرفهاش
وأنا مش ندمانة علي إللى
عملته معاك دا كان حقك عليا
وربنا بيه وصانى
الأول كنت بعمل نفسى مش
واخدة بالى وأقول معلش بكرة
يتغير ويهدي ويرسي
لما يلاقيني قدامه ومالي عليه
حياته هيرتاح باله ويقفل علي
الماضي وبلاوية بألف باب
وأدعي وأقول يارب إهدية
لكن صحيح الطبع غلاب
أنت أنانى وجواك غرور يحرق
بلد بحلها وفاكر مافيش حد
غيرك في الدنيا وكل الستات
هيموتوا علي شانك
لا يا دنجوان عصرك وآوانك
دا أنا بس إللى نفسي حلوة
وشوفتك علي حقيقتك وبكرة
غرورك يحرقك وإبقي أفتكر
كلامى وأنا عرفاك رجوعك لي
مش ندم وضميرك بيوجعك
أنا فهماك لا دا علي شان
أنا إللى سيباك
أنت عايش في أوهام
أمسح دموعك وكفاية بقي
تمثيل مش لايق عليك دور
العاشق المسكين معقولة بتبكى
علي شاني أنت أكبر من كدة
بكتير كنت ممكن أسامح زمان
لما كان ليك في قلبي مكان
لكن إلا الخيانه مقدرش أسامح
فيها ملهاش عندي تبرير وإللى
يدوس علي كرامتي لو روحى
فيه مايلزمنيش وخلص الكلام
بقلمي / هشام محفوظ
ليست هناك تعليقات:
إرسال تعليق