اغنية (خلصت اعذارى)
أدهم عبده مجلى
(أدهم العوضى)
★★★★★
أنا خلصت خلاص اعذارى
كل ما اسامحك بتزيد نارى
والاعذار ملهاش تبرير
نفسى الاقيلك عذر واسامحك
كدبك سهل باين فى ملامحك
يا اللى رميت القلب برمحك
عمر انا قلبى ما يبقا اسير
لما بتكدب وتقول إنك
مش غلطان كان غصب عنك
غصب عنك بتسئ ظنك
مش فيك عقل فين التفكير
★*★*★*★
بتسئ ظنك فيا وتجرح
وتقول إنى باحب فى غيرك
انت بتكدب علشان تفرح
بس ازاى طب هاتلى دليلك
و انت بتكدب زى العاده
ليه بالكدب حاسس بسعاده
بس انا لسه انا عندى اراده
إنى أشوف منك تغيير
نفسى الاقيلك عذر واسامحك
كدبك سهل باين فى ملامحك
يا اللى رميت القلب برمحك
عمر انا قلبى ما يبقا اسير
★*★*★*★
عارف كتر ظنونك ديه
هتخلينى ابعد عنك
مش راح ينفع فيك مداديه
نفسى خلاص راح تقفل منك
خليك عايش بس لكدبك
وانا مش هاقدر تانى احبك
دور بقا على حد لقلبك
يجرح فيه من غير تبرير
لما بتكدب وتقول إنك
مش غلطان كان غصب عنك
غصب عنك بتسئ ظنك
مش فيك عقل فين التفكير
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق