ارض الحنين اشتكت
من قلة الوداد
صابها الألم وبكت
على اللي راح و لا عاد
و صبايا دبلت زهورهم
و الشاب يا ولداه
قال راح نجيب منين
مهما شقى و قال الاه
بايت و قلبه حزين
لا عارف يجيب شبكه
و لا عفش ولا فساتين
شرب كاس العفاف
مش لاقي طاقة نور
اشكال على اصناف
كل البنات حلوين
الرعب من السياف
شقة يدوب أوضتين
محتاجة حفنة الاف
و لو كانت ايجار
هما يدوب ألفين
الغلا أكل البطون
والشباب شقيانين
بيصارعوا الحياة و الزمن
بدل الشغلة شغلتين
لا أب قادر يشور
و الشباب تايهين
و صبايا كا حور العين
في بيوتهم منظرين
شباب يدقوا ابوابهم
لكن الشباب خايفين
من قلة الأموال
على أحوالهم صابرين
(((أسامه جديانه)))
ليست هناك تعليقات:
إرسال تعليق