قصة شاعرة وداع

 قصة شاعرة

وداع

قلتلها وداع

جاوبتني بدمعة عين

تجرح بساتين الخد الندية

بصيت ف عينيها

لقيت حزنها حزنين

قالت عالفراق أنا مش ناوية

قلتلها رجاء

بلاش دموع العين

حرام,

دمعك بيشعل النار فيّا

قالت عاهدني

واوعدني وعد المحبين

ماتخونش ابدا حكايتنا ديا

قلت من عيوني

وغلاوتك في العين

صدقيني م هاعشق غيرك آدمية

قَصِت من شعرها

خصلتين

وقالت عاوزة اديهملك هدية

وخدتني بعدها غربة

أيام و شهور و سنين

اعدّ الأيام رايحة وجاية

برسم كل ليلة

جمال عيونها بالرمشين

وحشتني كتير العيون الشقية

ويوم الغربة

يمر سنين

ويمكن يتقابل الأحباب ف ثانية

ماخلاص هانت

مش فاضلي غير يومين

واخدك ياروحي ما بين إيديا

ورجعت بشوق

كأنه براكين

رجعتلها و كلي حنين و جاذبية

وسألت عليها

ماردو

وصرخت هي فين

ولقيت عيونهم غرقانة دموع

وف وسط قلبي

كأنه اتغرس رمحين

قالوا عليها وافتها المنية

وهي ف آخر لحظة

ماقالتش غير حرفين

إسمك و الشهادة قالت البُنية

....................

#عصام_قابيل

عرض الرؤى

معدل وصول المنشور: ٨

كل التفاعلات:

١ارق ملاك