* * * حلوه * * *
للشاعر /صابر الشناوي
حلوه لما تكوني هله
وأحلى لما تبقى طله
من عيونك أحلي جمله
طلعه من بين الشفايف
تروى شوقي بعد إغتراب
ولمسه دافيه من إديكي
والحنين اللي ف عنيكي
خلي قلبي في لحظه داب
شاف جمال الكون في حضنك
أمله دايما يبڨي جنبك
تنسيه سنين العذاب
على الخدود الورد طارح
وف جمال الرمش سارح
أما القوام. زى الكتاب
غزاله لما تكوني شارده
مهره عربي في الحسن زايده
وميت سؤال عايز جواب
حاسه بيا. ونفسى فيكي
والدلال. لايق. عليكي
أ نثي وفي عز الشباب
دق قلبي حس بيكي
نفسه يرتاح بين إديكي
من عنيكي السهم صاب
والدوا خمر شفايفك
وأنا نايم عقلي شايفك
عن خيالي عمره ما غاب
مشاعري صادقه بيكي جدا
لو أوصف فيها العشق شعرا
ما يقضنيش أ لفين كتاب
أنا عاشق بس. صابر
وف بعادك قلبي حاير
مستني منك رد وجواب
ليست هناك تعليقات:
إرسال تعليق