زجلية تحت عنوان:زلة لْسان ***

 زجلية تحت عنوان:

زلة لْسان ***

هو لسان

بطيبتو يشربك شهد وعسل

وهي زلتو قطران

تكسيك حقرة وترويك حنظل

لمنطق وقراءة الفكرة وابعادها

للتواصل بنيان والتخصص عمادها

لكن طويل لسان ما قراها ...

ما غربل

في زمان الجذبة والخسران

عاد لقزم يفتي أبو لمعارف و لقمان

ينعت أهل لقلم بالأشباه...

وهو الدون وفي الرأي سطل

هو لسان شحال من عافية شعل

الى كان بلا فرامل ولا قفل

مضغ لهدرة عاد طلقها....

او سرطها يا جمل

فمالك خرجت منك كاع لبلاوي

غشيم ؤبخراتو لالاه تلاوي

قليل العفة بالنقص مكبل

واقلا بان لو راسو كاين غ هو

مولف يطنز وطريقو حفاري وهوة

عاد غ يقاقي راه بيض بلا فصل

سيادك سيادك في العلم فافهم لمعاني

واش الشوك بحال لورد يا الأناني

ؤمن تدخل فيما لا يعنيه...

يدي ما يعاود حيت بغل

الأشباه هما انتما

دنستم لوعي وبخنزكم بخرتونا

راكبين على القصبة ولمخ جافل وزاد جفل

فقل هل يستوي الذين يعلمون ويجهلون

الاشباه ل ركبوا لمنصب بالتنوعير وهم لا يقشعون

خربوا النضج ؤظنوا انهم اهل عقد وحل

فبلاك لهيه ويا ودي بلاك

ما نرضاوك علينا زعيم والقلب ما بغاك

في عينيك خشبة ...

ؤغدا نحشو شوكك وجهلك بالمنجل

عقلية طفل

مبرهشة ما عادت تخجل

تقيس اهل الرأي والوعي...

ؤ ما هو غ بهلول هبل

سد ذاك الدلقوش ؤ في لغاك فلتري

راك غي حال ؤساير تتفبري

لم لسانك ؤ استفد من اهل السداد ...

ؤباش يهدروا سبوعة سمع وتمهل

لا تدير فيها لقمان وشي حاجة

عاجبك راسك وسط عش الرزوزي ولعجاجة

واقيلا ضربك الله...

غرقك في البهدلة خملة وزبل

فهو اللسان

نقمة على السليط فتربى يا فلان

فرق بين لهدرة ورزانة...

ؤ شوف قياسك راه في لحضيض وصل

فشد لسانك

تعلم تمنطق ؤ لا تكون مهرطق...

تخدم اجندات فإما عدو...

او سطل مسطل ؟

*** الشاعر والزجال: احمد الكندودي *** المغرب ***

كل التفاعلات:

١١