شهادة حق

 شهادة حق

وكمان قلبك زعلان

قوي كده وغضبان

لا لا ماعنده حق

قلبك هو الغلطان

ودي شهادة حق

تغيب قد ما تغيب

وترجع وقت ما تحب

لا ده مش طبع حبيب

ولا داق شهد الحب

الحب ده حالة عجيبة

بيخلي القلب سعيد

وفرح وشوق كل دقيقة

مش ضحكة ولا كلمة

ولا قاعدة في ليلة

الحب إحساس ومشاعر

وأمان وسلام نادر

الحب أشواق وحنين

وفرح قلب قبل العين

راجع نفسك شوف قلبك

مرة حبيبي وأتنين

بلاش تقسى على قلبي

خلاص مش قادر يتحمل

أهات ودموع وأنين

وأنت برضوا حبيبي

وفرح العمر ونصيبي

وعلى الراس والعين

كلمات : محمود صلاح

عرض الرؤى

معدل وصول المنشور: ٢٤

كل التفاعلات:

١ارق ملاك