أسمع ياشاعر

 أسمع ياشاعر

اسمع ياشاعر وأفهمني

هقولك ياغالي كلمتين

أنا عارف كلامي متأخر

تحية لأجمل متابعين

أنا عارف أنك زعلان

من اللي بيتابع التافهين

بس كلمة تسمعها مني

أكتب وأوعي تبطل كتابة

مسيرهم في يوم راجعين

لأن أصل كلام القلب

فيه نغم وحنين

أسمع ياشاعر البساطة

متابعينك كلهم محترمين

أكتب عشان خاطرهم

رجع زمان الطيبين

ومتزعلش ولا تتعب نفسك

مع ناس متكبرين

منهم وجوه وبألف لون

يجرو ورا التافهين

أنا عارف كلامك بسيط

وتحترم العامي والمثقفين

وحافظ دعوتك الطيبة

أنه يجمعك بالطيبين

أكتب ودون وقول

الكتابة مش كتر دواوين

أصل الشعر دا رسالة

يفهموه العاقلين

كمل رسالتك للناس

طبب جراح المجروحين

كلامك بيوصل بسرعة

وأشكر حبايبك كلهم

وأجمل تحية وسلام

بمناسبة قدوم ميلاد خاتم المرسلين

شكرا ياعمنا علي نصايحك

والله انا لك مدين

أنك حاسس بكلامي

وبعدين يكون في علمك

متابعيني عليه غالين

،،،،بقلمي الشاعر

عبدالمالك السماك