فاتت جنبي
كلمات الشاعر محمد عبد العزيز رمضان
فاتت جنبي وضحكت
خطفت قلبي وعيوني
سرقتني بنظرة واحدة
عاوزيني عنها ابعد
وعليها بيحسدوني
يا حكاية جوا قلبي
ودموعي بيسبقوني
شمس تنور حياتي
مرسومة وف جفوني
وقالولي مش حقيقة
يا خساره بيخدعوني
صافيه وحلوه ورقيقه
ورموشها بيسرقوني
مش ممكن عنك ابعد
يا حبيبتي أو تهوني
هوهبلك عمري كله
وهكونلك لو تكوني
بس اوعى تبيعي قلبي
أوتنسي أو تخوني
وتعال أنا وأنت نحلم
نهزم خوفي وظنوني
يا سنين عدت عليا
ونجوم بيفكروني
إنك غاليه وقريبه
مهما كتير يبعدوني
ومعاك هعدي صعبي
مش ممكن يهزموني
أنت منايا ووعدي
منك ليه يحرموني
ليست هناك تعليقات:
إرسال تعليق