اغنية ربنا عوضنى بيكِ
أدهم عبده مجلى
(أدهم العوضى)
★★★★★
بيقولولى الدمع ليه طب هقول واحكيلكوا ايه
اصلى مش عارف اخبى
وقت فرحى ووقت حبى
كل ذنبى إن نايبى
فى الهموم بكتير شويه.
ربنا عوضنى بيكِ
ع اللى شوفته من آسيه
هانسى نفسى واشتريكِ
تمسحى لى دموع عنيا
اصل ايدك فيها طيبه
كل لمسه بتشفى جرحى
واحنا فى بلادنا الغريبه
دموع عنيا ماليه فرحى
★*★*★*★
بيقولولى دموع فرح
ليه فى فرحى فيه دموع
شجرى م الأحزان طرح
والطريق مفيهوش رجوع
والشجر مروى بدموعى
لو هاسيبه يموت مكانه
سيبته كان حابب رجوعى
لازم ارجع يوم عشانه
يمكن القى شجره طارحه فيها فرحه
بدون دموع
او الاقى حد تايه ضاع دليله
وأكون شموع
وابقا نوره فى قلب ليل
او اكون ليه الدليل
واسنده لو يوم يميل
ما الدموع قوت قلوب
مدى ايدك ليا ساعدى
جوه جرحى ودوسى عدى
مش راح اصرخ غير فى بعدى
عنك انتى مش هاتوب
اصل ايدك فيها طيبه
كل لمسه بتشفى جرحى
واحنا فى بلادنا الغريبه
دموع عنيا ماليه فرحى
★*★*★*★
نفسى اشوف مره حنانك
وانسى قسوة اللى فات
حقى هاخده من اللى خانك
واللى عاش عمره فى سكات
وفى سكوته قبض التمن
راح خلاص ولا يؤتمن
إنه يطلع تانى صوته صوته ضاع ويا الزمن
انتى ليكِ ناس حبيبه
شافوا فيكِ حاجات غريبه
لآجل ما تكونى عشانهم
والله تستاهلى يا طيبه
ربنا عوضنى بيكِ ع اللى شوفته من آسيه
هانسى نفسى واشتريكِ تمسحى لى دموع عنيا
اصل ايدك فيها طيبه
كل لمسه بتشفى جرحى
واحنا فى بلادنا الغريبه
دموع عنيا ماليه فرحى
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق