الجمعة، 15 سبتمبر 2023

 أغنية كلام متعاد

أدهم عبده مجلى
(أدهم العوضى)
★★★★★
كلام متعاد وبتقوله فى وقت عناد
كلام متعاد
وأنا عارفاه ومش بأزعل مهو المعتاد
كلام متعاد
تغيب عنى وتتأخر
وتشكى بأنى ما سألتش
عشان يبقا معاك حجه
وأنا عارفه ما ليك اعذار
مأنا عايزاه ومش هأرضى بغيره بديل
حبيب ايامى وبحبه نهار او ليل
كلامه كتير وأنا قابلاه عشان بيغير
واشوف الحب فى عيونه ده باستمرار
★*★*★*★
كلامك ليا فيه قسوه
وزعلى ليه ولا بيسوى
ساعات ازعل واقول هابعد
باخاف من بعدى ليك تنهار
مانا عارفه حبيبى عنيد
لكن عِنده ساعات بيزيد
وانا باسكت عشان ارضيك
باقولهالك ومش اسرار
انا عايزاه ومش هأرضى بغيره بديل
حبيب ايامى وبحبه نهار او ليل
كلامه كتير وأنا قابلاه عشان بيغير
واشوف الحب فى عيونه ده باستمرار
★*★*★*★
حبيبى قلبه قلب ملاك
وعاشقه الحب انا وياك
لكن كتر الكلام منك
مخلينى اعيش فى النار
حقيقى ايوه انا باهواك
مفيش غيرى هيتمناك
ولو هابعد فى يوم عنك
بقيت عمرك تعيش محتار
مانا عايزاه ومش هأرضى بغيره بديل
حبيب ايامى وبحبه نهار او ليل
كلامه كتير وأنا قابلاه عشان بيغير
واشوف الحب فى عيونه ده باستمرار
★*★*★*★
باقولك والنصيحه دى ليك
بلاش تعتب على اللى شاريك
وخلى كلامنا مفيهوش لوم
ونتقبل لبعض اعذار
بلاش تجرح عشان اداويك
من العزال فى قلبى اداريك
وتتعلم فى حبى العوم
واقول قلبى هواك واختار
مانا عايزاه ومش هأرضى بغيره بديل
حبيب ايامى وبحبه نهار او ليل
كلامه كتير وأنا قابلاه عشان بيغير
واشوف الحب فى عيونه ده باستمرار
★*★*★*★
أدهم عبده مجلى
(ادهم العوضى)
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (لا تزال عالقة) بقلم عواطف فاضل الطائي
    (لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...