بقلمي الشاعر محمد عبد الباقي حسين

 بقلمي الشاعر محمد عبد الباقي حسين

جمهوريه مصر العربيه 15/9/2023 في هكتب بالعاميه هكتب بالعاميه عاميه عاميه بصله وعودين كرفس وكزبره مع طبق بصاره وشويه تقليه وتكون قاعد مع الجميله السكره وتاكلوا مع بعض الاكله دي وبعدها تعمل لك شاي بنعناع نعناع كثير مع سيجاره وتقومه تقيله شويه ولما تصحوا من النوم تقوم انت بقى تعمل لك فنجان قهوه وتطحن عليه حبهان وتقعدوا تتكلموا شويه عن الزمن اللي كان والفرح والسعاده اللي عشتوها والايام الهنيه وتمسك بايدك قلمك قلمك يا سيدي وتكتب قصيده بالعاميه وحاول وانت بتكذب قصدي وانت بتكتب ما تجيبش سيره اللحمه في الاعدا ديه علشان ما تفكرش السكره وتعكنن عليها اهو سعرها نزل بس عقبال ما ينزل مسموح لك تكتب عن الطعميه واكتب عن الزمن اللي فات اكتب اكتب بقول لك اكتب عن الفجل والكرات وجميع انواع البطاطس والمكرونات اشي محمره واشي بالصلصه واشي في الفرن بس ابعد عن البروتينات والفواكه وكم نوع كده من الخضروات بس ما تبطلش تكتب في حاجات كتير تكتب عليها زي البطاطا المشويه وبعدين مش لازم تفضل قاعد في البيت لا يقولوا عليك حشري ممكن تاخد الاموره وتنزل من البيت وتعزمها على اكله كشري في روكسي مثلا او في الحلميه القديمه مش الجديده لا تفلس وترجع على الحديده واول ما تروح تبيع الحلل الالمونيا وتبيع الطبليه ويحصل زعله بينكم لو حبوا يوم يخرطوا ملوخيه وما تعرفش تكتب قصائد لا بالعاميه ولا حتى بالعربيه