زجلية تحت عنوان:أبواق الفُوح ***

 زجلية تحت عنوان:

أبواق الفُوح ***

غير لفوح

هدر ؤلوح

أبواق فرنسا

خونة لبلاد والحصلة

دعاة الفرقة طعم الدفلى

ها البق ها جهل ؤبنادم مفضوح

سبول وطيوح

لكمرة الساهرة

زريعة لخير الطاهرة

ولسان رومي عامر شر مقيوح

فوح

نعت لبلاد كيفما بغيتي

ك بغيتيعا تخضار ومنها هربتي

ما بدعتي ونسيتي لبزولة ل رضعتي

ؤمن حفاري النمس لحالك م صلحتي

مخلوق انتهازي على لكلخة مطروح

راس مالك بلابلا والنعلة

عميل خبيث باع لأرض وطاح بالمرة

تعض هذا وتشد في الاخر عقدتي الجرة

قلم مأجور خروف مذبوح

بلادك فيا لفياش هز بها

عطات الدرس فافخر وعليها

دير حتى انت لعليك ...

ونغسلو التبعية ولقروح

بل نطهروها من الشوك والخش

بالفعل والعلم لا بتعمار القش

تاجر راس مالك لغا وفوح

ولكن ذيك لعقلية الانتهازية

تبيخا والتمييز نساتك ف الوطنية

عدتي لا عب بالاجندات...

وفي التيران باينة خاصرتك...

وفي العدمية مسلوخ

اما ذاك الحر ل نعتيه بالعياش

حيت باغي بلادو وملكو يا الفياش

اش داك تقيسو وانت لا دين لا ملة ....

وفي الثلث الخالي عبد راس مالو فوح

زعما غيرة ووطنية

وحدك العايق وحنا الدونية

عقلية استعمارية ؤ ما تنبت بلوح

بل غير الصهدة والفوح

بلادي بلادي فافهم نشادي

ماها وسماها فخري ومرادي

نزلتي من سفينة العز ...

ؤ ما هزاتك نخوة مدجن مسروح

بالنضج ولقلم يتصلحوا مراكبها

ذوك العملاء بالشوهة بغاو ينقشوا لها

ضربهم لحال...

ولمغاربة علاو علام الحرية...

ؤ غدا نسيقوا لكلاب يا لمفضوح

فسير تلاح انت وماماك فرنسا

ل لقحاتك بهوت ودنستي العرسة

عميل مريض ؤراس مالو فوح

الشاعر والزجال: أحمد الكندودي *** المغرب***

كل التفاعلات:

١١