#٢٠٠_وجع

 #٢٠٠_وجع

مكتوب على الروح تتجرح

في كل عشق ٢٠٠ وجع

مكتوب تسلم أمرها

مكتوب على جبين الجدع

إن الغرام مش سكته

مش لعبته

وإن الغزاله الشارده من سطح القمر

مكنتش ابدا نجمته

مكانتش قاصده تقيد له ليل

ولا حتى مره قالت له ميل

ولا عايزه من عشقه الدليل

هو اللي حضن الليل و بات

و عشم روحه بامنيات

واتخيل منها كتير حاجات

كانت في عرف المستحيل

هو اللي قاصد ينجرح

ويشوف غرامه بيتسرق

ويشوف العمر بيتحرق

من غير بديل

هو اللي بص على النخيل

واللي يبص لفوق يميل

مال الجدع بعد المعافره والألم

وادي آخرة القصه الندم

من غير ما يمسك حتى ايد

من غير ما نجمه ف ليل تقيد

مال الجدع

واتكسرت كل الحاجات

واتبدل العشق بسكات

قلبه كمان كره البنات

بيشوف القمره يخاف يبات

وبيكره الضوء م السما

كل النجوم هنا مظلمه

وجراح ف قلبه معلمه

وشقوق في عمره مسلمه

ااااه م الوجع

آآآآآه ع الجدع

في كل عشق ٢٠٠ وجع

#محمد_ابراهيم_درويش

عرض الرؤى

معدل وصول المنشور: ٢٣

كل التفاعلات:

١ارق ملاك