حاسس بيا (627)

 حاسس بيا (627)

..............

حاسس بيا علشان كده

بتداري عينيك

بتعذب فيا

وأما بجيلك وأستناك

لا بتسأل فيا

عايز أيه ..

عايز تنهي الحب

في قلبي

أعيش في مرار

وبتغصبني أكون

الشهد مع الصبار

وأنا ما أقدرشي أصدق

كل كلام عنك يتقال

والإحساس بيقول جوايا

في قلبه وصال

ليه تخليني أشك

في حبك ليا كمان

عايز أيه ..

عايز تبعد

بعد ما زاد إحساسي أمان

وتموت كل اللي زرعته

فى قلبي زمان

ولا مره وصعبت عليك

حسيت بحنان

عايز أيه ..

لا هصدق لو حتى حلفت

إن أنا بيعاك

وعزه نفسي هتفضل بينا

خصام لأحباب

وهعيش لك أكتر

من عمري وقلبي معاك

ومصمم تتعذب تاني

تغمي عينيك

لا هتقدر تبعد

عن قلبي

خلاص بقى فيك

وعيوني حضناك

يا حياتي

برمشي أداريك

راسمه لك قلبين على شجره

وحب ماليك

وفى نبضك دمي

اللي بيجري وجلدي حاميك

عايز أيه ..

بقلم .. صبري رسلان

عرض الرؤى

معدل وصول المنشور: ٩

كل التفاعلات:

١ارق ملاك

تعليق واحد

أعجبني

تعليق

إرسال