بقلم الشاعر محمد عبد الباقي حسين جمهوريه مصر العربيه 15/9/2023

 بقلم الشاعر محمد عبد الباقي حسين

جمهوريه مصر العربيه 15/9/2023

في جرح الفراق

جرح الفراق ليه طعم مر لما امي ماتت حسيت بحاجات كتير اتغيرت لا حسيت بكل الحاجات اتغيرت الايام واللغات والسنين والساعات اتغيرت حسيت بالسكات ما بقتش شايف غير ذكريات ما بقتش اضحك كمان والدنيا بقت غيام ومسخت الحكايات وانطبق عليا قانون اللي خلق كل شيء اللي خلق السماوات بعد راحيلها اللي قال ماتت التي كنا نكرمك من اجلها فاعمل صالحا نكرمك من اجله ما كنتش اعرف قيمتها ولا كنت اعرف قدرها ما ولااعي يعني ايه الجنه تحت رجليها يعني ايه ما فيش حد هيعوضك عطفها وحبها ما حدش هيحس بيك ولا هيخاف عليك زيها فعلا الجنه ذهبت من بعد راحيلها والحياه كلها اتغير شكلها حتى طعم اللقمه مش زي ما كنت باكلها من ايديها مش زي اللي كانت بتسويها وكل الاطعمه من بعدها اتغير طعمها كل حاجه فاكرها وفاكر يا امي لما كنتي بتاخديني في احضانك وتضميني وتنيميني جنبك على سريرك فاكر ضحكك وكلامك وصوتك ما زال في اذاني وكل لغاتنا مش هنسى حاجه ايام ماكنت معاكي ودائما هجيب سيرتنا عمري ما هنساك يا جميلتنا يا امي يا من كنت زينه للحياه ولبيتنا وورده كنت على جبهتنا من بعد فراقك تهنىا والدنيا خدعتنا اللي عمرها ما عرفت طريق لينا ولا عرفت تضحك علينا وانت معانا ولا تخدعنا فاكرك يا غاليه لمين بعدك اشكي لي همي مين يا امي مين هيحضني مين يا ست الكل يا اللي ما شفت بعد فراقك غير مر جرح الفراق ياامي ليه طعم مر و هيفضل مر

‏محمود الشاعر‏ وآخرون