كل ما تضيق .. صلى ع الحبيب *****************

 كل ما تضيق .. صلى ع الحبيب

*****************

إللى بيحصلى كتير

أنا قلبى للهم سفير

أتلفت شمال ويمين

بلاقى الهم ليا غفير

دا لو انا حتى طير

مش هعرف منه أطير

بس ليا ربى رحيم

قناع مش ببص للغير

لأ وبتمنى له للخير

قدر ومرسوم ليا

راضى وفيه بسير

بالله تملى بستعين

م الخلق كله عويل

معدش حد لحد بيعين

واقع بنشوفه بالعين

الغنى بيدوس ع الفقير

ربنا بينا رحيم كريم

بعد العسر تملى تيسير

دا كل ما تضيق

وتحس أنك وحيد

صلى ع الحبيب

تلاقى الفرج قريب

تلاقى الرزق يزيد

الهم يبعد عنك بعيد

كأنك مولود من جديد

***************

بقلم عادل جاد

كل التفاعلات:

١٤١٤