....... أعتذار مكتوب .......
***********************
كل شئ مدروس كويس
ليه كمان معمول حساب
والغلاء مقصود ياباشا
يعني لما اللحمة تبقى
بتلتميه فده المراد
اللي هيجيبها اللي قادر
واللي يوقف ع المزاد
لما يعني يجيله نقرس
مش هيغلب في العلاج ..
وأما يعني كيلو سكر
يوصل لعشرين وطاب
واحنا أصلا ليه بننتج
فأعرف أن السهم صاب ؟
مين يجيبه ويشتريه
أغنيائنا مش سراب
لما يعني يجيله سكر
هو ومراته وسعاد
وأبنه حاتم وأخته ليلى
والقرايب والشباب ؟
تفتكر هيكلفونا
أنسولين أو خبط باب ؟
أو هيوقفوا ياخدوا دورهم
في طوابير العذاب
دول معاهم مليارات
كل شئ ليهم مجاب ..
أما أحنا الفقرا يابني
أو علاجنا ده الخراب
مامعناش ندفع وناخد
يعني م الدولة الأياب ؟
تدي لينا وتراضينا
ويتخرب بيتها خراب
حتى لما نموت ..عليها
برضوا موتنا كالغراب
تدفع المعاشات لمرتك
أو لجوزك أو ولاد ...
لما برضوا نور وميه
يقطعوا فده أنسياب
تخفيف الأحمال عليكم
من فواتير كالضباب
أما عند الباشا تقطع
مستحيل مع واتس اااب
حتي لو جتهم فاتورة
بمليونين بالفيزا جاب ..
تعليم ولاد الأكابر
م الحضانة لجامعة طاب
خاص طبعا دول أكابر
والفلوس دي الأنجذاب
كلفوش الدولة حاجه
أما أحنا كالكلاب
نهبش الهبشه بغباوة
في المفاصل بالنياب
حقهم طبعا علينا
ده أعتذار مكتوب كتاب
حقكم على راس أبونا
وأهلنا وكل اللي غاب
أنتو أقدارنا الجميلة
والمعالم والهضاب
أما أحنا ريحتنا وحشه
زي جيفه بأرض غاب
حقكم طبعا علينا
إحنا وولادنا الكلاب
أحنا وصحابنا اللي خونه
كالجراد أو كالذباب
أما أنتو نور عنينا
فيكو داب القلب داب
ظننا والظن بعضه
أثم طبعا مش صواب
ظننا كان سوء تجاهكم
وانتو كالشهد المذاب
سامحو لينا ده أحنا جهلة
وفقرا مرضى بأكتساب
حقكم على راس أبونا
من هنا ليوم الحسااااااب ؟
بقلم .. ياسر فؤاد الجدي
الثلاثاء .. 1/8/2023
ليست هناك تعليقات:
إرسال تعليق