مش برضو حرام ؟
طب ما انا مديك عمر سعاده
وانت بتديني يادوب بسمه
يبقا هنعتبرو دا كان إحسان
على واحد قدم شهر ربيع
يلاقيك بتمن عليه بنسمه
طب قولنا حلال دا ف شرع الدين
فتعالا نشوفها داين و مدين
بتسبني إزاي أقدم فرحه
مزروعه بكل الخير وتبيع
مش تبقا الحسبه دي خسرانه ؟
دا انا لو فكرت احسبها ميزان
ونحط الكفه قصاد كفه
انا هطلع قلب وروح خسران
وعشان تتعدل حسبتنا
واطلع كسبان
توهبلي حياتك بالمجان
وتجيب على عمرك عمر كمان
وتحط القلب على الكفه
وسنينك تفردها ف لفه
وتجيني تقولي انك فرحان
يا حبيبي الحسبه وبالتوزيع
انا اجيبلك فرحه تجيب زفه
تدخل ف ضلوعي و تدفا
واديلك كتفي تميل وتنام
وعيونك تبقا امان وسلام
ليست هناك تعليقات:
إرسال تعليق