دوس ع الوجع .. !!
توب الوجع ..
مليان .. آهات
ومليان .. رقع
جواه 100 متقاب
بيخرموا فيه ..
وجرح هواه ..
عمره ما يندمل
اياك .. تنخدع
يا دي .. الجدع
دوس ع الوجع
وانساه .. ينساك
اديله .. ضهرك
وعرض .. قفاك
إياك .. ف يوم
تتكعبل فيه
ف بحر أساك
إياك .... إياك
اياك .... تقع
يا دي .. الجدع
دوس ع الوجع
وازرع ورد الأمل ..
قدام .. عينيك
مسيره .. يوم
يلقاك .. ويرعاك
ويجري .. عليك
يناديك .. ويحاديك
حتما .. هيرجع
يلاقيك ويقولك ..
شبيك .. لبيك
وردك بين إيديك
تحت أمرك ...
يا دى .. الجدع
دوس ع الوجع
وعدى ...
بكرة الحياة ...
لونها وردى
تضحكلك
وعطرها .. مندى
دوس ع الوجع
ولا يهمك
مهما كان همك
اوعاك ف يوم ..
تطب ... وتقع
يا دي .. الجدع
دوس ع الوجع
لسه الدنيا قدامك
تعلي .. مقامك
شد فيها لجامك
تلق الكل خدامك
والوجع ... عنك رجع
دوس ع الوجع ..
يا دي .. الجدع
الشاعر /. منصور أبوقورة
ليست هناك تعليقات:
إرسال تعليق