بين السما والأرض

 بين السما والأرض

خطوط طول

ودواير عرض

وناس بتحب فى بعض

وناس عايشة حياتها

فى الكره والبغض

والفرق ما بين الإتنين

فرق كبير

فرق السما من الأرض

الحب مشاعر سامية

والقلوب اللى

ماتعرفش الحب

قلوب قاسية وعامية

الحب عبادة

ومفتاح السعادة

واجب علينا وفرض

حب الناس

حب الزرع

حب السما

حب الأرض

وإحميها بدمك

أرضك أمك

هى الشرف والعرض

اللى يخونها

يستاهل الشنق

حكم نهائى

لا فيه إبرام ولا نقض

عيش فى سلام

سامح

وأحلم

وخلى خيالك سارح

إنسى إمبارح

وأى كلام جارح

وعيش اللحظة

بالطول والعرض

إمسك فى الفرحة

بإيديك وسنانك

والفرصة اللى تجيلك

إمسك فيها وعض

إلحق أيامك

قبل ماتهرب من قدامك

عيش أحلامك

قبل ماسوق الدنيا

من حواليك ينفض

طول ماالروح

جواك بترفرف

ولسه فى قلبك نبض

إحلم

طير

بين السما والأرض

احمدالسعيدالفقى الفقى

كل التفاعلات:

٣٣