استنى اقعد شوية

 استنى اقعد شوية

مستعجل ليه

اشتقت ليك من زمان

عايز تمشى ليه

انت مش عارف انت مين

ساكت ليه زعلان ولا ايه

اسمعنى محتاج اتكلم

حتى لو مخاصمنى

وكلامى مش يهمك

كنا فى يوم مش بنفترق

طريق واحد بيلمنا

نصحى وننام على حلمنا

مفيش حزن فى يوم يهزنا

حسدونا حتى على ضحكنا

نصبوا الكماين من حولنا

كل ده ولا بيهمنا

اسمعنى بلاش تتكلم

فى النهاية احنا بنتالم

قلوبنا اسودت من الهم

ضحكنا شبه الغم

خدعونا وانت للاسف صدقت

انى فى يوم ممكن ابيعك

اخترت تسكت جواك الشك

نار تاكل كل جميل فينا

وانت ساكت تتفرج

عمرك فكرت تنطق

للاسف انت صدقت

استنى لسه بتفكر تمشى

الكلام لسه مش إبتدى

والحساب طويل للابد

تتهمنى انى السبب

خوفك هو اللى ضيع عمرنا

رفعت الراية البيضة قبل المعركة

سمعت ليهم وصدقت الكلام

ونسيت عملوا ايه زمان

سبتنى احارب وحدى فى الحياة

سكينك فى ضهرى ساكن

حاولت كتير انسى وجعه

ومش لاقى ليه علاج

لسه عايز تمشى

انت مش عارف انت مين

انا انت وانت انا

موجود جويا ديما تسندنى

النهاردة انت هزمتنى

إن رحلت رحلت معك

وإن بقيت زادت حربنا

قوليلى ايه

الحل فيكى نفسى ….؟

بقلمى / شريف القناوى

كل التفاعلات:

١٢١٢