يا ،معاشر ،الناس *************

 يا ،معاشر ،الناس

*************

يا ،معاشر ،الناس

وفيهم ناس ما يتعاشروش

اضرب في ارضك فاس

تطرح وشوش ، ووشوش

و شيل الشواشي و حِشها بمنجل

و اردم علي اللي عمره ما استرجل

قبلك كتير صاحب صحاب نكروة

أكترهم اللي باعوه و الباقي إستندل

'*************

في ناس مناظر خداعة

و ناس مناصب بياعة

و ناس زي القميص مفرود

و ناس تشوفها ف شماعة

و ناس يا زينها ما تعرفهاش

دول منسوبين لولاد الناس

في الليل بتتكلم احساس

في الصبح تلقي الفزاعة

و ناس تبان طيبة أميرة

و ناس بتنحت فيك سيرة

و ناس تقول لك يا مراحب

و ناس بتقفل ، شُراعة

و ناس أصيلة ف معدنها

و ناس يا ريت تبعد عنها

و ناس تغير ،أماكنها

من أصلها تكون جزاعة

و ناس يا ريتنا ما نعرفها

في حاجتها دايما بنشوفها

في عوزتنا مش بتشوف طيفها

و دي في المصالح بياعة

*******************

شعر / ياسر عبد الحميد

*******************

عرض الرؤى

معدل وصول المنشور: ٢٣

كل التفاعلات:

١ارق ملاك