(يا واكل حق اليتامي )
يادنيا مالقيتش فيكي صاحب جدع
ولا أخ في حق اخواته ماطمع
ولا ميراث ماكان وراه غير الوجع
والكل عايش يادنيا في نَفّْسَنَه
وراحت مننا الشهامه والجدعنه
حتي الأخ يادنيا قال يانفسي أنا
وآه يادنيا من قسوتك علينا
لما في بيت وحضن واحد إتربينا
ولما كبرنا عن بعض فرقتينا
لما طمع فيا أخويا إبن أُمي وأبويا
وسرق حقي وحق أُختي وأَخويا
وعشان ولاده خِسر كل إخواته
طماع ونِسي معاهم كل ذكرياته
وقطع صلة الأرحام وكل زياراته
لاخاف من ربه ولا رحم الأيتام
وربا ولاده بمال إخواته حرام
نِسي وصية أمه وأبوه
وكوش علي كل شيء سابوه
نفوس طماعه في دنيا ملهاش امان
بكره تسيبها وتودعها ياطماع
وتقابل الذي لايغفل ولا ينام
مش هسامحك لادنيا ولا آخره ياللي بالإسم أخويا
ياللي نهبت حقي في ورث أمي وابويا
طمعك خلانا ماحسينا لا بإخوه ولا بحنيه
ونسيت إن بُكره هتسيب اللي نهبته وتفارق الدنيا
وفي قبرك هتتعذب بسبب قسوتك
سلف ودين بكره ولادك يعملوا مع بعض عملتك
طماع وظالم ياناهب الحقوق
قبل ماتودع دنيتك ياريتك تفوق
بكره تموت وولادك مش هينفعوك
ومن كتر ظلمك هينسوك ومش هيفتكروك
ياواكل حقوق اليتامي
هتفضل عايش في حسره وندامه
لاهتتمتع بطعم اللي نهبته
ولا هيترحم عليك أخ سرقته
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق