حيرتينى يادنيا
عبدالمنعم عدلى..مصر
حيرتينى يادنيا
أمشى معاك شمال
ولاأمشى معاك يمين
وماشية معايا بالعكس
ليه يادنيا بتحيرينى
وخلقنا فيك
من طين
كلنا من آدم
درجات وطبقات
ليه يادنيا
على الرصيف
فقيرك ينداس
وكأنه هموش
على التراب
جنتك يادنيا للأغنياء
ونارك والعة
فى طريق الفقراء
آاه يادنيا
لو كان ليدى
ماكنت من التعساء
مكتوب عليا
وحيرتينى يادنيا
والناس فيك ألوان
طمعان وماشى
لزيادة الأرقام
فقير وبيدور
على فتات الخبز
تشبع بطن الجعان
والمدين فيك مقهور
وحيرتينى يادنيا القبور
قبورك غالية
وبيشيدوها قصور
والجيب بيعفن
من قلة عطف الأخرين
وحيرتينى يادنيا
حتى الفرحة فيك
نار للمظلومين
والظالم فيك
عايش ولايستبين
ليه يادنيا
الفرح فيك حزين
حتى نجوم السماء
ماشافت ضى الشموس
وقمرك مظلم
من حزن آليم
صدقينى يادنيا
عندما أشوفك
تحت التراب
الفرحة أمامى
هتملئ عينى
بقلمى عبدالمنعم عدلى
ليست هناك تعليقات:
إرسال تعليق