ياادم
بكلم منكم
اللي مابتكفيهوش زوجة واحدة
ان كنت عايز واحدة تانية
لازم تفكر للميه
كل حاجة في الدنيا حظوظ
انت وبختك بقى
يجوز تتزوج واحدة تانية
وتعيش سلطان زمانك
تأمر وتنهى تشخط وتنتر
والزوجتين
يتنافسوا في خدمتك
ويحاولوا المستحيل
عشان يرضوك ويسعدوك
كل واحدة منهم تبذل المستحيل عشان تنول رضاك
وتقدملك كل حاجة حلوة عندها
وتعيش عيشة ملوك
وعندك اميرتين
واحدة بيمينك والتانية بيسارك
وتصير سي السيد
امرك مطاع وطلباتك اوامر
٠٠٠٠٠٠٠٠٠٠٠٠٠٠٠٠
والصورة التانية عكسها تمام
ربما ان اتجوزت التانية
تكون جبت لنفسك مصيبة تانية وبليت روحك بلوة كبيرة ماتطلعش منها
تقضي عمرك بمعارك مستمرة بين التنتين
بلاوي ومصايب
ونار مولعة عالاخر
وتعيش في نكد وهموم
وياخوفي لما يتفقوا مع بعضهم ضدك ياعنتر زمانك
ويشحدوك ويفلوسك
ويركبوك امراض ومصايب وبلاوي كتيرة ياحبوب
وتعلق معاهم في المحاكم
وربما حتى يحبسوك
٠٠٠٠٠٠٠٠٠٠٠٠٠٠
فكر بقى ياشاطر
قادر تفتح على روحك ابواب جهنم
وتتكوي بنار غيرتهم القوية
وتعيش تعيس ومنحوس ميه في الميه
٠٠٠٠٠٠٠٠٠٠٠٠٠٠٠٠
اعمل استخارة وعد للمليون بعد الميه
وجرب وجازف وغامر
واعرف ان طريقك اما للجنة او لجهنم الحمره
٠٠٠٠٠٠٠٠٠٠٠٠٠٠
انا رأيي ونصيحةمني ليك
خليك قنوع وارضى بقسمتك ونصيبك
زوجة واحدة وزيادة اليومين دول
الاسعار نار مولعة
والمدخول زفت على طول
والمصروف يجنن العقول
يادوب تقدر تعيش واحدة
انت حر بقى
اما تسمع نصيحتي وتتوب
او يبقى ذنبك عل جنبك واتحمل بقى ياسلطان زمانك
عارف البديوي
ليست هناك تعليقات:
إرسال تعليق