قلب للبيع

 قلب للبيع

مين يشترى منى قلبي المتسامح

قلبي الابيض مع المحبين سارح

وقلبي اللي تعب كتير من الكلام الجارح

قلبي المحتار يغفر لمين ويسامح لكن للخير طارح

قلبي تعب من الناس اللي بتحيرك معاها كيف بتتعامل

قلبي الكبير بيحب الخير مش بيجامل

كل من هب ودب

عمال يجرح فيه

يطعن في قلبي ويشمت فيا

جريح تعبان بدور على مين

يداويني

الدنيا غدارة وياما غدرت بيه

مش قادر اشتكى وأقول الآااه

من ناس كتير بقلة اخلاقها تعباني

وياريت كل القلوب ذي قلبي بالغالي تشترى

اروح فين ياناس لأجل اريح قلبى

فى أى طريق امشى فين دربى

يمكن يكون قلبى اتجرح بسببى

لما سامحت وغفرت كل اللى غدربى

ودمع العين من كثر البكا جف منبعه

وروحى تعبت من قليل الاصل

وزى الحمام حطت

وقعت من سابع سما للأرض وفكت

ولالقيت اللى يتلقاها

وعليها وعلي يترحم

ياريت كان قلبي حجر صوان

لايرحم ولايحن ولا يشفق

لكن بكنوز الدنيا كلها

مااستغنيش عنك ياقلبي

يااطيب قلب واحن قلب

انت حبيبي وهدية الرب

هاصبر معاك

ولابد يجي الوقت

والاقي انا وانت اللي يقدرنا

ويحترمتا يااعظم قلب

عارف البديوي

عرض الرؤى

معدل وصول المنشور: ١٢

كل التفاعلات:

١ارق ملاك