كلام على الهوى المصرى الشاعر

 كلام على الهوى

والنعمه فعلا زيك مفيش ....

سيجاره لف صافيه

خاليه من الحشيش

وصحه جامده ونفسيه لله حامده والحاله هايله

يابوا الشال والطقيه على الخد مايله

قلى خالتى صفيه ليه متخفيه

وخلفت شباب ناقصين تربيه

بصين دايما على الفيس على الغالى وعالرخيص

نسيو الحياء ورضيوا يعيشوا قراطيس

فضك من الشاى

وقوم قول على الشباب جاى

دول بدلواالسلام بكلام

عمره على السنتنا ما اتقال

شااااو ..وبااااى..وهاى ..واخيراا جااااى

والمتربى فيهم.......!!

اختصرتحيه الرحمن

بكلمة سلام

راحت فين ورحمة الله وبركاته

هما اللى قلوها انقرضوا ولا خلاص ماتوا

والحلوه بنت العيله الكريمه

اللى ابوها طول وعرض وليه ايمه

ماسكه الاّى فون ابو اسكرينه

وفى ودنها السماعه اللى لونها كريمه

مشيا بتتقصع ياحلاوه

فاتحه فيديو بتسمع بوووس الواوه

وصحبتها معاها مسخ سخه

وحنكها بالصوت العلى تقول ياحواوووه

ولما ابوها يطلبها

ترد امها دى مشغوله على الشات

اصبر يارجل يانداشه

دى لسه يادوب مع صديقها على الشاشه

ويرد صاحبنا ببشاشه

حاضر يامو البنات

اختشى قوم شوف بنتك يارجل

خليك حمش مينفعش بشرفك تتاجر

ياميت حصره

على الحياء والشرف اللى مات

شوف ياخويا بنات حوه

ازاى خربانين من جوه

عملت فيهم ايه الحداثه

فين الخشى والاحترام يامان

تسمع فكك د انت قديم من زمان

راحت فين القيم ياأنسان

يظهر انه بقينا من الاثار

قوم قبل ما ينسوا اصلهم وفصلهم

وتموت فطيس من همهم

برضوا الاصل يا خال ميتنسيش

د كلام حقيقى مش فى الوسعايه مع الدراويش

واسمعها منى يازواوى

انا زيك للاصل غاوى

اصيل ولا يمكن اقبل اكون حاوى

ولا اسمع الكلام الشين على الاهاوى

وزى ما قلوها قبلنا

دور على الاصل ان كنت ناوى

المصرى الشاعر — مع ‏فهدالصحراء الجرئ‏ و‏

‏٣٩‏ آخرين

‏.

عرض الرؤى

معدل وصول المنشور: ٤٥

كل التفاعلات:

٦Sabry Hussen، وEsteer Hanna و٤ أشخاص آخرين