* * * هات قلم * * *
للشاعر /صابر الشناوي
هات قلم وإكتب ورايا
هحكي ليك أجمل حكايه
لما كان القلب لسه
دي مش قصيده أو روايه
لأ دي قصه
إنكتب ليها ما تكمل
لما حبر الكدب كحل
كل أحلامي في هوايا
كانت ليا يعني بكره
والنهارده بشوفه في
عنيها أحلى فكره
كانت أغلى أمنياتي
كنا نتقابل يوماتي
وكنا بنسافر ليلاتي
نسهر على جناح القمر
سمانا صافيه من الغيوم
كنا نتعاتب محبه
ونهادي بعض بالنجوم
كنت بكتبها في كلامي
أحلى غنوه
كنت بوصفها بمعاني
دنيا خاليه من الهموم
كانت تقري بين سطوري
كان ذكائها يزيد فضولي
فجأه إحساسها استخبي
والمشاعر تبقى بارده
واللقي قل بطبيعته
خلي قلبي زاد في حيرته
و الفواصل تزيد ما بينا
والتواصل والهواتف
أصل بابا ؛؛؛ إقفل ثواني
مامه جايه
وأنا بصدق وبعذر
كنت بتحمل عشانها
وميت سؤال في عقلي داير
عدي شهر إتنين وأكتر
وأنا ليل ونهار بفكر
كنت بكتب في الرسايل
فين وفين على بال ما تقري
وبذكاء وبكدب تكتب
غصب عني حبيبي إصبر
وأ، طوى صمتي في سكاتي
وأنا بتألم ليلاتي
كتبت ليها حرام عليكي
نفسي أشوفك
عايز أقابلك
جاني رد حبيبي حاضر
بكره في نفس المكان
جايه أقابلك
رحت طاير للمقابله
مكنتش أعرف إن لسه
عواطفي هبله
بمد إيدي أسلم عليها
لقيتها لابسه في
إيدها دبله
ليست هناك تعليقات:
إرسال تعليق