(مبقتش)
مبقتش ليه تجينا ؟
دا إحنا بإسمك ناجينا
يا حياتنا ونور عينينا
معقولة تكون ناسينا !
في غيابك أكيد عانينا
*****************
بعادك قطّع قلوبنا
من النِدا عليك غُلُبنا
خٓلّصنا عليك كُتُبنا
في محاسنك إحنا جوبنا
تعالى شوية صوبنا
ونجدد لك في ثوبنا
****************
بهدوء إسأل ضميرك
حٓبٍينا حد غيرك ؟؟
خٓرّبنا لك مصيرك ؟
غٓيّرنا خط سيرك ؟
ما تسألش حد غيرك
***************
إرجع يا ابن الحلال
إرجع على أي حال
كفاياك جمع مال
غيابك علينا طال
دمعنا ع الخد سال
(جيلاني أنور)
ليست هناك تعليقات:
إرسال تعليق