الجهل
أصعب شئ الجهل
تبقي ماشي
مش عارف حاجة
ولا حتي عارف تقرأ
كلمة
تبقى قاعد مع الناس
ولا عارف بيقولوا ايه
اوعى من الجهل
يقولوا لك أمضي
وانت تروح ماضي
يا غالبان
وتطلع مضيت
على بيع عمرك
ومعاه عيالك
وتروح ف سين وجيم
وانت ملكش ذنب
الذنب ذنب اهلك
ال نسيوا يعلموك
وفكروا بس ف الفلوس
ولا فكروا في علامك
اتعلم عشان ميضحكش عليك حد
تشتغل ايه بعد كده
دي حاجة ترجعلك انت
اوعي من الجهل والجهلاء
يله اتعلم
وتبقي فاهم
وعارف بتقول أيه
وتعيش مرتاح البال
حتى لو تفك الخط
حاسب من الزمن
علم ولادك ولا تسيبهم للزمن
يلعب بيهم
يله بهمه ونشاط يابوا العيال
افرح بيهم
وهمه بيقروا ليك الجرنال
انت بتبتسم
ليهم
وبتقول ف نفسك
ولله واتعلمتوا ياولاد الأيه
أوعوا من الجهل والجهلاء
الشاعرة ليلى حسين
٢٠٢٣/٧/٢٧
ليست هناك تعليقات:
إرسال تعليق