ضعيف النظر
احمد صبري
ماكنتش ماكنتش
عارف ماكنتش
ماكنتش ب أداوي
وقت الوجع
ماكنتش صاحب
حلو وجدع
ماكنتش طيب
و ديما قريب
ب أشد وب أشد
وعمري ما أسيب
ماكنتش حنين
وديما بخيل
ولما تميل
ماكنتش أشيل
ماكنتش ب أضمك
وأقرب من أمك
ولما بتفرح
أزعل وأغمك
وقول ياما عني
وزيف براحتك
وكل حقي اللي
فوقك وتحتك
وماتقولش إني
جرحك واجعني
وقول إن أنا
أذيتك جرحتك
ماكنتش بامشي
معاك الطريق
ماكنتش ف ضهرك
أخ وصديق
ماكنتش باسامح
ماكنتش باعدي
ماكنتش باحبك
ولا أي شيء
وأنا مش هاخلي
ل حبك أثر
حاسكت واخبي
واعدي الخطر
ولو يسالوني
حاقول كان عيوني
وأسف لأني
ضعبف النظر
ليست هناك تعليقات:
إرسال تعليق