أمسيات الحسن. .25/ 7/ 2023

 أمسيات الحسن. .25/ 7/ 2023

( ريحة زمان )

بقلم الشاعر :حسن حلمى

البن والعود والريحان

وكمان حبايبنا الجيران

تحس بضحكتهم امان

فاتونا وفارقو المكان

بس الحيطان متشكله

بألوان

حمدالله على السلامه

يا حاج فلان

ياه كان زمان

تحس بهيبة فى المكان

وعارف فلان ابن فلان

حتى لو بينك وبينه

ألف ميدان

واهو عدى الزمان

تعالى من تانى ورجعلى

حاجة من الحاجات القديمة

وطلة من راجل

عليه القيمة

ولاسه وجلابية تزيد الهيبة

ورجعلى كمان

صحابي القدام

اللى من نظرة يفهمني

ويقولي كله تمام

ومتنساش

ترجعلى كمان

ريحة زمان

الناس الطيبين

اللى وشوشهم

مبسطوين

وتحسهم حنينين

وكمان

فى وعدهم مظبوطين

عمرهم

ما يلفوا ضهرهم

طول ما احنا عليه مسنودين

ياه

على ناس

عاشرناهم

وريحة زمان مفارقاهم

بقلم الشاعر : حسن حلمى

عرض الرؤى

معدل وصول المنشور: ١٥

كل التفاعلات:

١ارق ملاك