دوامة جوه صندوق..

 دوامة جوه صندوق..

شعر الأستاذ/ محمود القطوعي..

لما تبقى لوحدك محتار..

جوه صندوق بيبص عليك..

ومليان كراكيب ..

وكل كركوبه محتاجه..

لوقت كبير علشان تقرب..

راحة الروح ويا الحبيب..

تبقى محتار ترمي الكراكيب وتشتري غيرها..

وهي لسه جديدة..

ويمكن تتعب وتدوخ وما.. تقليش غيرها ولا في.. أحسن منها ..

وترجع خسران ومتندم..

في وضع يتوه وغريب..

تشيل دي وتنظف دي ..

وتنسى دي وترجع تضحك..

على خيبه طبعها عجيب..

وتبقى رايح لحاجه ..

وفي دماغك مليون حاجه..

وانت مقرب للحاجه ..

ترجع تنساها ..

علشان انشغلت واتلبخت..

في حاجات كتير قبلتك..

علشان تصلح التخريب..

شعر الأستاذ/ محمود القطوعي..

وأي حاجه تسد الجوع..

حتى لو من غير نفس ..

ابلع وخلاص والميه .. تساعد وبعدين ربك .. يعدلها ونسد ف التسريب..

وامسك الاءبره وتعرف ..

تلضمها دور على الفتحه ..

اللي فيها..هات النظاره ..

تكبر لك والفتله ترتاح ..

في مكانها بالتقريب ..

وتعقد العقدة وتقع منك..

القماشه وفجأه النور.. ينطفي وتتلخبط الأحوال..

وتخاف تمد ايدك لتشكك..

الاءبره المحطوطه ف .. القماش ..واللبن غلي .. واتكب نصه ومنتش .. شايف هو فين ..

وتنسى الاءبره والخياطه..

واللبن الحليب..

وكل يوم على ده الحال..

دايره من الهموم دايره ..

تدور جوه صندوق الزمان..

والاخر نموت وتتفرق..

على القريب والغريب ..

كل الكراكيب..

وتحكي حكايتنا مع .. الصندوق والمقصود به..

جدران شقتك الجميله ..

وانت جواها بتعاني ..

ومش بتغيب..

وذي ماغيرنا راح احنا.. كمان حنروح ونتنسى..

ولا يفتكرنا لاعدو .. ولاحبيب..

وتروح معانا..

كل المعاني والذكريات ..

حتى كمان كل الكراكيب..

شعر الأستاذ/ محمود القطوعي ..وكل عام ونحن وانتم والجميع ملازمين صندوق الزمان بالخير والمحبه ودي سنة الحياة ياأعز حبيب..