الغلبان

 الغلبان

حطي يا دنيا علي الغلبان

وخلي القوي يستعجب

حطي عليه كمان و كمان

وفي الأخر ياريت يعجب

اه يادنيا ياظالماني

مخبيالي ايه تاني

مشيلاني هموم بالكوم

وعمر الفرح ما جاني

ليه يادنيا معنداني

ليه يادنيا مخصماني

السعد. يعدي قدامي

ولا عمره خبط علي بابي

واه منك يازماني

ما شوفت منك يوم حلو

وعلي طول معيشني

في همومي و أحزاني

يا بياعين الصبر قولولي

بعد الصبر ايه تاني

يا بياعين الصبر

قولوا للمر ينساني

يا مغنواتي الموال

قول موال يسعدني

اسهر معاه الليل

واخر الليل يسعدني

وبحلم ببكره جديد

يجيني كيوم العيد

والله دا الحزن هاددني

هرفع ايدي للسما

وفي السما باب مفتوح

يارب يارحمن تسعدني

زهقت منك يادنيا

وبالجنة توعدني وتسعدني

وحطي يا دنيا علي الغلبان

وخلي القوي يستعجب

دا انا الغلبان

بقلم

احمد محمود

من ديوان حبة. رتوش

عرض الرؤى

معدل وصول المنشور: ٢٣

كل التفاعلات:

١ارق ملاك