((( فات الميعاد ))) الشاعر محمد علي فرغلى احمد معلم خبير بمدرسة أبوتيج الصناعيه العسكريه بنين

 ((( فات الميعاد )))

وبعد إيه إفتكرتي

وأنتي اللي إخترتي

وجايه قال ف منامي

حزينه الصوره قدامي

معاكي وكنتي معايا

أجمل قصه وحكايه

وجمال نسيم حبي

ضليله وشمسايه

مطحون بين الرحايا

عيشي الأمل معايا

وبكره الحال يتبدل

وبالحب تفرحي ويايا

*******

وبإيدك إخترتي البعاد

ف لسانك فات الميعاد

وياما حبك صبرني

ومعاكي مافيش فايده

وياما قولت ياريت

والدنيا ماهيش رايده

وأنا ما صدقت نسيت

وشغلتي ليه بالي

لارحت ولاجيت

وإزاي أوصف حالي

وأخيرا جايه ف منامي

حزينه الصوره قدامي

مكسوره والهمس سكوت

وف عنيكي بحبك موت

*******

الشاعر محمد علي فرغلى احمد

معلم خبير بمدرسة أبوتيج الصناعيه العسكريه بنين

عرض الرؤى

معدل وصول المنشور: ٤٢

كل التفاعلات:

١ارق ملاك